الحب والرومانسيه
اذا كنت عضو فى الحب والرمانسية فتفضل بالدخول واذا كنت زائر فتفضل بالتسجيل ليشرفنا حضورك



 
الرئيسيةس .و .جالتسجيلدخول


شاطر | 
 

 رأي الفنانين في ملك الاحساس

اذهب الى الأسفل 
كاتب الموضوعرسالة
جيتار الحزن
مشرف منتدى الموبيلات
مشرف منتدى الموبيلات
avatar

ذكر
عدد الرسائل : 1906
الموقع : في دوامة الحياه
العمل/الترفيه : حاجة متخصكش
المزاج : وحيد في الحب
اعلام الدول :
Personalized field :
مزاجك ايه؟ :
مهنة العسل ايه؟ :
قوة وجود العضو :
تاريخ التسجيل : 14/03/2008

مُساهمةموضوع: رأي الفنانين في ملك الاحساس   الأحد أغسطس 24, 2008 8:03 pm

هاي يا احلى وأجمد فانز لأحلى انسان في الدنيا
أنا جبتلكو رأي الفنانين في النجم رامي صبري
ده بعد تعب وشغل أسبوع كامل بس كله يهون
لما الامر يتعلق برامي
التوبيك هايكون متجدد


* أنا كتبت الكلام زي ما اتقال من الفنانين حرف بحرف


يللا نبتدي بالخفيف



خالد سليم : (ماشي)
ليه مش بتتعامل مع رامي صبري كملحن ؟؟؟

أنا ورامي أصحاب وانا سعيد جدا بالصداقه دي.
وبالفعل هناك تعامل بس مش في الالبوم ده.


تامر عاشور :D
مين من الاصوات الجديده تعتبرها ظاهره السنه دي ؟؟؟

رامي صبري طبعا أفضل موهبه ظهرت مؤخرا
صوته حلو أوي


أحمد فهمي (يعني):

ممكن نلاقي تعامل بينك وبين رامى صبرى ؟؟؟

انا ورامى أصحاب جدا وكان المفترض يقدملي لحن في البومي بس ماحصلش نصيب لضيق الوقت.

محمد عدويه : (كويس)ايه رأيك برامي صبري؟؟؟

ملحن شاطر و مطرب شاطر
في ناس قالوا انه بيقلد عمرو دياب بس انا مش شايف كده
والجمهور هو اللي بينجح المطرب ورامي نجح .


حماده هلال : (كلام حلو)سمعت البوم رامي صبري ؟؟؟ وممكن تتعامل معاه ؟؟؟

سمعت منه حاجات كتير
رامي جميل وصاحبي أوي من زمان
ملحن شاطر أوي والالبوم حلو أوي
وطارق توكل عامل شغل حلو أوي
اه انشالله في حاجات هانظبتها مع بعض

سامو زين : (فاكر نفسه ..... مش هاكمل
ممكن نشوف تعامل بينك وبين رامي صبري ؟؟؟

رامي صوته جميل وزكي في اختياراته واعجبني في الكليبات
بتاعته وهو قدر يصد الهجوم اللي تعرضله في أول كليب
والأهم هو اللي جي في الطريق عشان اول البوم مش مقياس
ولا حتى التاني , التالت ممكن يكون بدايه القياس لما الجمهور
يكون متعود على الاعمال الجميله يعني الاستمراريه هي المعيار
الاهم .


زيزي : (يعني مش بطال)
ايه رأيك برامي صبري كملحن ومطرب ؟؟؟

بحب صوته جدا
انا كنت هاتعامل معاه كملحن فعلا بأغنيه اسمها "انت مين قلك اني ليك"
وكانت هاتنزل في الالبوم الاول
. بس محصلش نصيب وانشاءالله أتعامل معاه في الالبوم التاني .
وأحنا صحاب جدا بعيد عن الفن والغنا .


ايساف : (ده يا جماعه كلامه عجبني جدا وبيتكلم من قلبه )ايه رأيك برامي صبري كملحن ومطرب ؟؟؟ وممكن تاخد منه الحان ؟؟؟

كملحن وكمطرب الاتنين بيكملوا بعض
رامي جميل جدا من اجمل الاصوات اللي سمعتها مؤخرا وهو
ملحن عنده القدره يلحن أكتر من شكل يعني مش ملحن مكرر خالص
ومش بيكرر نفسه وشريطه كله بيتسمع وأنا مش حاسس ان في أغنيه زي التانيه.
أنا معجب بيه جدا و معجب بصوته وبفنه جدا وطبعا ممكن اخد منه الحان .
هو كمان كلمني وباركلي على الشريط واتقابلنا كتير وعلى معرفه مع بعض .

شذى : (كلامها كويس وحلو)
ايه رأيك برامي صبري كمطرب وكأنسان ؟؟؟
وممكن تتعاملي معاه ؟؟؟


اكيد , احنا دلوقتي بنسمع كام حاحه من رامي والمفروض الاستاذ محسن
يختار .
رامي كل أغانيه تحفه وجميل وبني ادم تحفه , تعب اوي عشان يصل
والحمدلله ربنا وفقه ويا رب دايما يفضل كده وبقوله يا رامي اوعى
تتغر وخليك كده زي ما انت رامي حبيبنا اللي بنحبه الجدع ابن البلد
ودايمن انشاءالله بنجاح وتختار أغاني أحلى و أحلى ومستنين
شريطك الجي ويا رب دايمن يحصل بينك وبين طارق العريان
تعامل وميدخلشي بنكو حد .
طارق بيحبك وأنت بتحبه ويا بختكو فبعض .


محمد محي ده كلام جوهري صادق ومن القلب)
برأيك هل رامي صبري يستحق لقب أفضل
مطرب صاعد ؟؟؟ وممكن تتعامل معاه ؟؟؟


طبعا هو يستحقها بجداره
رامي فنان أوي وصوته متمكن وفنه حلو ومبشر
وأتخيل أن رامي هايكون من افضل الاصوات المصريه
وأهمها في العشر سنين اللي جايه
.
موضوع التشابه مع عمرو يمكن يكون تشابه في الاغاني
في شكلها أو في شكل الالحان لكن الحقيقه بتقول ان ربنا
خلقنا كل صوت غير التاني وكل واحد صوته هو بصمته
ماينفعش نقول ده شبه ده فطبعا هو مختلف واحنا لازم
نديله فرصته .
وهو فنان هايل ويستحق انه يبقى أفضل مطرب صاعد .
وممكن جدا نتعامل مع بعض أنا بحب الحانه فعلا والسي دي
معايا على طول وبسمعه كتير وفي حاجات كتيره حبتها أوي
زي حبيبي الاولاني ...



ع السريع ::::::::



شذى
: أيه أكتر الاغاني اللي بتحبيها ؟؟؟

بحبك – رامي صبري ...

خالد سليم :
ايه أكتر ألبومات عجبتك ؟؟؟

ألبوم رامي صبري ...


شيرين :
ايه أكتر ألبومات عجبتك ؟؟؟

ألبوم رامي صبري ...


حاتم فهمي:
مين مطربينك المقضلين في الجيل ده ؟؟؟

رامى صبرى...



نيجي للتحليل العبقري بتاع الأستاذه المشهوره
ميسم صبري :a (81)اللي هيا انا يعني ):a (81):





أصاله نصري :
قالت ان رامي عمل شغل جامد والشريط كله حلو
وهاتعمل معاه دويتو يعني مقتنعه بالموهبه بتاعته وبصوته
وبعدين كفايه ال اه اللي كانت تقولها لما غنوا مع بعض في "يا مسافر وحدك"


محمد منير :
لو كان حاسس ان رامي مش قد كده (لا سمح الله 100000000مره)
مكانش جيه عالحفله ......
يعني أكيد شايف حاجات كتيره في رامي


عمرو دياب
:بيحب رامي وبيقول انه كويس ومجتهد جدا بس حكايه الشبه
مضايقاه شويه (كلام واحد قريب من عمرو)


أي حد بيعرف رأي فنانين تانيين يقولي عشان تتكتب هنا في التوبيك


يللا عايزه ردود تحرق المنتدى ماليش دعوووووووووووووووووووه
الرجوع الى أعلى الصفحة اذهب الى الأسفل
 
رأي الفنانين في ملك الاحساس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحب والرومانسيه :: منتديات عشاق الفنانيين :: ملك الاحساس :: رامى صبرى-
انتقل الى: